تورک اوغلویام قئیرتلییم من شانلییام شهرتلییم آتام تورکدو آنام تورکدو آسالتدن ثروتلییم

گیزلیجه گؤروشدوک سئونلر کیمی

گول آلیب گول وئردیک سئوگی رسمینه

سن منه سؤز وئریب منسه قلبیمی

گؤر نه­لر یاشادیق سئوگی ایسمینه.

 

سانکی بیر یاساقمیش بیزیم سئوگیمیز

سئورکن سئومه­یی هر آن گیزله­دیک

ایفتیرا سؤزلره قیسقانج گؤزلره

حق وئریب اوتوردوق زامان ایزله­دیک .

 

سئورکن قلبیمیز بیر دوستاق کیمی

ساخلادی سئوگینی هئچ بیراخمادی

دوستاقلی سئوگیمیز اؤزلمه دؤندو

او قیسقانج گؤزلرین یاشی آخمادی .

 

گؤر نه­یی ایتیردیک نه تاپدیق آنجاق

سئوگینی وئرمیشیک حسرت آلماغا

قورخولو سئوگیلر جزالاناجاق

سورونه سورونه دیری قالماغا .

 

سئوگیلیم دوشونکی سئومک حیسینی

من داندیم سن داندین کیمسه دانمادی

سیل گؤزون یاشینی آداملارا باخ

من یاندیم سن یاندین کیمسه یانمادی .

                                          اؤزگور

+ نوشته شده در  شنبه چهاردهم اردیبهشت 1387ساعت 21:35  توسط اوزگور | 

ائشیدمیشم توی شربتین ایچیبسن             

مندن گیزلی اؤزون کسیب  بیچیبسن             

ائشیدمیشم توی دونونو آلیبلار            

بارماغیوا قیزیل اوزوگ سالیبلار           

ایندی ندن نیسگیل­ایله باخیرسان          

گؤز یاشی تک باخیب منه آخیرسان           

حیس ائدیرم کی پئشمانسان بو­ایشدن            

راضی دئییل اوره­گین بو بیتیشدن         

سنسه ساندین منی یاددان آپارسان          

اؤز تاییندان یاخشیسینی تاپارسان          

دولاندیریب آتدی سنی یاخشیسی           

یاخشیسینا ساتدی سنی یاخشیسی           

چکدیغین تک قلم چکدی یاد آدان       

ایناندیغین داها دوشمورهئچ یادان

 ایندی گولوم سال یادینا سؤزلرین                   

گؤزیاشیما گولوب گئچن گؤزلرین                 

یادان گلیر آتما منی دییَردیم          

اؤزگه لره ساتما منی  دییَردیم             

اونوتدونمو اؤزدئدیغین سؤزلری            

یالانلاران اومودلانان گؤزلری             

آتدین منی آتان اَلین واراولسون       

اومما کؤنول دؤنوب سنه یاراولسون      

داها گؤزوم سنین یولون گؤزله میر       

بوینوم سنین قوللارینی ایزله میر       

گزدیغین یئر سیندیردیغین اوره­گدیر              

گووَندیغین یئره ده­یَن کوره­گدیر           

یورما اؤزون ارتیق اونوت سن منی       

چوخ زاماندیر اونوتموشام من سنی

من تاپمیشام اؤز یولومو آزمارام          

من سنه تای دوستا قویو قازمارام               

بوشعریمده سون­شعریمدیر سن ایچین          

بَیَندیغین ساتما منه دوز گئچین          

قیسمت اولارسنده­خوشبخت اولارسان

عؤمور بویو موتلولوغا دولارسان       

سن تویوزا چاغیرمادین بیزلری

اونوتموشام عؤمور بویو سیزلری        

گئت گؤزه­لیم سن آجیدان بوش یاشا          

اؤز یارینلا موتلو یاشا خوش یاشا

اؤزگورسنی سئوسَیدیده بیر زامان        

ایندی دانیر سئودیگینی هرزامان

                                      اوزگور                               

 

 

+ نوشته شده در  دوشنبه نهم اردیبهشت 1387ساعت 20:44  توسط اوزگور | 

 

سئوگی نَدیربیلیرمیسیز؟

               سئوینج آدین ائشیدمیسیز؟

یوخسا دئییبدیلر سیزه

 بو آنلام سیز یالان سؤزو

 بیر کره اولسا گؤرموسوز

 قان آغلایان یاشلی گؤزو

  سئوگی منیم

             سئوگی سنین 

سئوگی بیزیم

                               زهرله­نن سئوگیمیزین   

                                مین باخیشدا گؤردوم ایزین 

                                هوس دولو اؤره­گلرده

                               آرخاسی بوش دیره­کلرده

                                   یئره ده­ین کوره­کلرده

                                      اوزگور

 

+ نوشته شده در  دوشنبه دوم اردیبهشت 1387ساعت 1:51  توسط اوزگور |